Møre og Romsdal

Sørturen – frå 24. januar til 31. januar:

Line Møller-Christensen: «Fabiolas nøkkelreise»

 

«No skal dokke få høre om når e møtte min gode venn og lærte at et tre kan være opp ned og en rabarbra kan være en katt, ja, om man bare tror med heile hjertet»

I forestillinga «Fabiolas nøkkelreise» blir vi kjent med klovnen Fabiola og hennes følgesvenn Petter Stjernestøv. Fabiola har alle moglegheiter i heile verda men veit ikkje kva ho kan, og kjedar seg til fantasien tek overtaket. Ho blir sendt ut i eventyruniverset for å hente inspirasjon. Ho møter både på kjente karakterar frå folkeeventyra, og nye karakterar som vi ikkje har møtt før. Forestillinga handlar om leik, draumar og det å la følelsane ta plass. «Fabiolas nøkkelreise» er inspirert av tradisjonelle norske folkeeventyr, men er og krydra med Fabiolas fabulastiske fantasi. Forestillinga er åpen for interaksjon og innspel frå publikum.

Line Møller-Christensen er frå Ålesund, og har si utdanning frå Ecole Jaques Lecoq i Paris. Line har tidlegare reist rundt som klovn, og har jobba med gateteater rundt om i Europa. Ho har og arbeidd som sjukehusklovn.

 

Målgruppe: Frå 3 år og oppover

 

 

 

 

Nordturen – frå 1. februar til 15. februar:

Trond Magnum: «BOKstavelig talt» 

«BOKstavelig talt» er ei humoristisk og sjarmerande forestilling for å fremme leselyst og leseglede. Her får du smakebitar frå bøker, litt sang, musikk, regler og eventyr. Det blir noko gammalt, og noko nytt. Trond Magnum har og med seg ein moderne versjon av eventyret om dei tre bukkene Bruse, pluss nokon overraskelsar.

Trond Magnum er ein del av Abrakadabra Teateret, som er ei av Noregs eldste frie teatergrupper. Dei beskriv seg sjølv som eit typisk «familieteater», og ønsker at barn og vaksne skal oppleve ting saman. Ofte er forestillingane ei blanding av alvor, humor, sang og musikk.

 

Målgruppe: Frå 4 år og oppover